Opisialen a naisingasing ti pannakabalbaliw ti Rice Tariffication Law (RTL) iti plenario ti Senado para iti debate;
Linaon ti Senate Bill 2779 iti sidong ti Committee Report No. 282 a maamyendar ti probision maipapan iti Rice Competitiveness Enhancement Fund (RCEF) babaen ti panangpalawa iti kaadda daytoy manipud 2024 agingga 2031 ken babaen ti panangpaadu iti tinawen a gastos para iti pondo agingga iti P30 billion manipud P10 billion.
Maibunong ti P30 billion kadagiti sumaganad:
P9 billion para ti makinaria ken alikamen a pagtalon;
P6 billion para ti high quality inbred rice seeds, propagation, distribution ken promotion;
P8 billion para ti tulong pinansial kadagiti mannalon ti pagay nga agtaltalon iti dua nga ektaria agpababa;
P2 billion para ti expanded rice credit assistance;
P2.2 billion para ti training and extension
P1 billion to TESDA for farm schools;
P500 million para ti Agricultural Training Institute;
P300 million para ti Philippine Center for Postharvest Development and Mechanization;
P200 million para ti Philippine Rice Research Institute;
P200 million para ti Bureau of Soils and Water Management;
P1.4 billion para ti solar-powered water irrigation wenno water impounding irrigation projects; ken
P1.4 billion para ti composting facilities para kadagiti biodegradable wastes;
Nabukel ti Rice Competitiveness Enhancement Fund babaen ti Rice Tariffication Law tapno masigurado a direkta a mabenepisyaran dagiti mannalon iti liberalisasion ti panaglako iti bagas.
