Ti dati a pannakangiwat ti presidente a da Harry Roque ken Alice Guo ket mabalin a nangusar iti isu met laeng a ruta tapno aglibas ditoy Pilipinas, segun iti Bureau of Immigration (BI).
Inyanunsio daytoy ni Bi Commissioner Joel Anthony Viado iti Senate Committee on Justice and Human Rights Hearing nu sadiay nga imbagana a mabalin a naglibas dagiti dua babaen ti backdoor exit nga agturong idiay Tawi Tawi.
Napigsa ti pammati ti ahensia nga idiay Tawi-Tawi a dimmalyasat ni Guo tapno aglibas ditoy pagilian gapo ta maibasar kadagiti 14 nga eropuerto ken seaport head, pulos nga awan ti record ni Guo iti aniaman nga eropuerto idi Hulio 2024.
Awan pay kunada ti ebidensya iti agama iti BI nga adda ti binayadan ni Guo nga immigration officer tapno makalibas.
Segun kenni Viado, ti siasinoman a nabileg nga indibidwal a supsuportaran dagiti POGOs ket nalaka laeng a makatakas iti border ken makastrek kadagiti kabangibang a pagilian.
Narigat para iti Bureau of Immigration nga ipunto ti eksakto nga eropuerto wenno puerto nga inusar dagiti timmulong kenni Rque ken Guo.
Maipalagip a mapapati a nga usar ti Tawi-Tawi backdoor da Alice Guo ken dagiti mapapti a absat na nga isuda Shiela ken Wesley kas panangibutaktak ni National Intelligence Coordinating Agency (NICA) Director Ferlu Silvio iti panagdengngeg iti komite idi Marso 4.
Segun kenni Silvio, na-monitor pay ti NICA ti napanan ni Roque manipud Zamboanga nga agturong sadiay Tawi-Tawi idi Setyembre 2, 2024 ken kalpasan dayta ket awanen ti rimuar pay a kanayunan nga impormasyon.
Ni Roque ket addaan ti outstanding arrest warrant manipud iti House of Representatives kalpasanna a ma-cite for contempt ken nabilin a maikulong kalpasa ti pannakpaay na nga isubmitir dagiti dokumento nga adda pakainaigan na iti ilegal nga POGO.
