BR LA UNION – Nangidatag ti agtutuon a kaso iti National Bureau of Investigation kontra kenni dismissed Bamban, Tarlac Mayor Alice Guo agraman pamilya na.
Segun iti ahensiya, nangidatag da iti kaso nga adda pakainaigan iti negosyo ken ginatang da a sanikua idiay Marilao, Bulacan.
Maibasar iti imbestigasyon ti NBI, naamwan nga isuda Alice ken pamilya Guo ket ‘incorporators’ ti sumagmamano a kumpanya a Meat Shop, Slaughter House, ken dadduma pay idiay Bulacan.
Ti address wenno lugar dagiti nasao a negosyo ket ginatang ni Alice Guo idi 2010 iti kantidad a 2-milyon pesos ken aglawa iti 4,636 square meters.
Inbinglay pay ti National Bureau of Investigation iti pannakadiskubre ti panangideklara da Alice Guo, Shiela ken Siemen iti bagi da kas Pilipino iti ‘Articles of Incorporation’ dagiti nadakamat a kumpanya.
Gaputi dayta, naidatagan da iti 30 a bilang a kaso nga adda pakainaiganna iti Falsification of Public Documents, ken 30 counts iti kaso a Simulation of Minimum Capital Stock.
Bayat nga 4 a bilang para iti kaso a Falsification of Public Documents for falsifying applications for Bussiness, Occupancy, and Building Permits.
Malaksid dayta, ni Guo Hua Ping ket sumangsango pay iti kanayunan a 6 counts iti kaso a Falsification of Public Documents gapu iti panangpeke na iti Deed of Sale ken Documentary Stamp kadagiti ginatang na a sanikua.
