Agtalek ni House Committee on Ways and Means Chairman ken Albay Representative Joey Salceda iti kabaelan ti baro a dutok iti Department of Transportation a ni Vivencio “Vince” Dizon.
Kinuna ni Salceda nga aniaman a trabaho ti maited kenni Dizon ket kanayon na a mailepleppas kasta met nga agdoble-kayod iti DOTr para iti kadarasan a panawen.
Impasiguro ti kongresista a napartak a makalusot iti nabileg nga Commission on Appointments ni Dizon.1
Nabayagen kunana nga aggayyem da ni Dizon ken nakatrabaho daitoy idin kangitingitan ti COVID-19 pandemic.
Kunana a kanayon isuna a dumawat ti techniques kenni Dizon maipanggep iti policy decisions kasta met a napateg pay isuna a kaalyado para iti pannakaipasa ti tax reform program idiay Kongreso.
Kabayatanna, pinagyamanan ni Salceda ni Secretary Jaime Bautista a naglosolos iti puwesto gapo iti sitwasyon ti salun-at na.
Agbalin nga epektibo ti pannakaidutok kenni Dizon kas DOTr Secretary inton Pebrero 21 ken ti anunsyo ket manipud kenni Executive Secretary Lucas Bersamin.
