LA UNION – Nagpanawagan ni House Ways and Means Chair at Albay Rep. Joey Sarte Salceda iti Bureau of Internal Revenue a siripen iti tax payments dagiti top rice importers kasaruno ti alegasyon a profiteering iti domestic rice trade.
Kinuna ni Salceda a saan a makapag request ti kongreso iti tax filings agsipudta protektado daytoy ti Section 270 ti Tax Code.
Ngem iti BIR ket mabalin a nga i-verify iti bukod da a records.
Segun kenni Salceda, dagiti top importers ket nag-import ti bilyon a kantidad isunga rumbeng a makita daytoy iti tax payments.
Innayon pay ni Salceda, ingkaso a mapaneknekan a naglabsing dagitoy, mabalin da a makaswan ti tax evasion ken sarunwen ti Anti Money Laundering Council.
Imbaga ni Salceda nga “iti panawen ti price ceiling ti bagas nga intruding ti Presidente, iti diperensiya iti baetan ti landed import price ken domestic retail price ket P3 pisos laeng kada kilo ngem nagbalin a 20 pesos kada kilo, nga uray bimmaba ti presyo ti farmgate.
Kinuna na a nalawag nga adda panangabuso iti panagpresyo isunga nasken a maamwan daytoy, malaksid nga adda pay senyales ti hoarding iti palengke.
Maibasar iti imbentaryo ti bagas, ngimmato ti 24 porsiyento iti tinawen.
