LA UNION – Umaboten ti 99 % iti enrollment rate iti pribado ken publiko a pagadalan, manipud kindergarten agingga senior high school para iti School Year 2021-2022, ditoy syudad ti San Fernando, La Union.
Daytoy ti naamwan ti Bombo Radyo La Union kenni DepEd Region One Public Affairs Unit Head Cesar Bucsit.
Segun kenni Bucsit, iti 99% enrollment rate ket kaibatugan iti 31, 203 enrollees.
Daytoy ket nababbaba ti 141 nu ikumpara iti 31, 334 total enrollees idi napalabas a tawen.
Nupay kasta, mamati iti Departamento ti Edukasyon a maartapan ita a tawen iti nasao a bilang dagiti enrollees idi 2020 nupay nangrugin ti klase iti agpada a private ken public schools.
Kagiddan daytoy, naminsan manen nga inallokoy ni Bucsit dagiti nagannak nga ipa-enroll dagiti ubbing sakbay nga agleppas iti enrollment period a naituding inton Setyembre 30.
