LA UNION – Nabilin dagiti school administrators ken mangisursuro a nupay naka-bakasyon itan ti eskuwela, kasapolan a kitaen ti seguridad dagiti pagadalan.
Daytoy iti impaganetget ni Darius Nieto, Regional Information Officer ti DepEd-RO1 bayat iti eksklusibo a pannakiuman ti Bombo Radyo La Union.
Kabilang kunana ditoy iti panang-siguro a naka-unplug amin a de-koryente a sak-sakan tapno maliklikan iti insidente ti uram ken napateg nga adda guwardiya nga agbantay iti rabii tapno awan ti mapasamak a panagtakawan.
Napateg met kunana iti pannaki-koordinar dagiti school administrators kadagiti opisyales ti barangay tapno bantayan dagiti pagadalan.
