Nagbiahen agturong idiay Thailand ti Team Philippines Open Water Swimming contingent tapno makisalip iti agtultuloy a Southeast Asian (SEA) Games 2025.
Nakatuding ti laban da inton Disyembre 18 nga agpaut agingga Disyembre 20.
Karaman kadagiti pambato ti pagilian ket isuda Alexander Lawrence Chu ken Joshua Raphael Del Rio para ti Men’s 10 kilometer. Ibagi met da Jada Corrine Cruz ken Graziella Sophia Ato iti Philippine team para iti Women’s 10 km.
Dagiti uppat nga atleta ket agbalin a paset ti Mixed Relay team iti nasao a torneyo kasaruno iti pannakapili ti Philippine Aquatics, Incorporated.
