Nagsagrap ti pannakadunor ti maysa a seaman iti pannakaaksidente ti minaneho daytoy a motorsiklo iti kawatiwatan ti Bangar-Luna Provincial Road a sakupen ti Brgy. Paratong Norte idiay ili ti Bangar.
Maibasar iti report manipud Bangar Police Station, nabigbig ti biktima a managan Ronnel Javier, 26-anyos, baro ken residente ti Brgy. Consuegra ti nasao met laeng nga ili.
Iti imbestigasyon, daldalyasaten ni Javier ti kalsada nga agturong ti daya a direksyon idi mapukawan ti kontrol iti manmanhuwenna a vehiculo a gapuanan ti pannakatumba daytoy.
Naiturong iti Balaoan District Hospital ti driver tapno mataming ti sugatna bayat a naamwan a saan a nakasuot ti helmet ni Javier idi napasamak ti insidente.
