Bimmisita iti Region-1 ni Dept. of Labor and Employment (DOLE) Sec. Bello tapno siguradwen a maipatpatungpal iti amin a programa ken serbisyo ti gobyerno, para kadagiti umili a kangrunaan nga agkasapolan ita a panawen ti pandemya.
Manipud probinsiya ti Pangasinan, La Union, Ilocos Sur, agingga idiay Ilocos Norte ket tinurong ti sekretaryo kadwa na iti dadduma pay nga undersecretaries ken opisyal ti DOLE Region-I nga indaulwan ni Atty. Evelyn Ramos tapno i-award kadagiti recipients iti suweldo ken benipisyo.
Kabilang dagiti programa ken serbisyo ti gobyerno a nakatulong kadagiti umili iti panawen ti pandemya ket iti
TUPAD a maysa a cash-aid programa, Government Intership Program, ken Safety Seal para kadagiti pribado nga establisimento.
Paset iti eksklusibo nga interview ti Bombo Radyo La Union kenni Atty. Evelyn Ramos, agdama a Regional Director ti DOLE Region-1.
Nagturong pay ti bunggoy ti sekretaryo idiay Currimao, Ilocos Norte tapno ipaayan ti tulong iti sumagmamano a rebel returnees para iti pangabaruanan dagitoy, babaen iti programa ti gobyerno, pannaki-binnulig ti AFP ken PNP nga NTF-ELCAC.
Kabayatanna, impaganetget pay ni Atty. Ramos nga awan ti linteg a mangpasingked iti ‘No Vaccine, No Salary’ Policy isunga saan a mabalin nga ipatungpal daytoy iti anyaman nga opisina wenno kompanya.
Malaksid dayta, nasken a bayadan ti 13th Month Pay dagiti mangmangged agsipudta nakailanad daytoy iti linteg.
Mabalin kunana a ma-delay iti pannakabayad ti nasao a benipisyo kadagiti mangmangged gaputi epekto ti pandemya, ngem saan a mabalin a saan a maited daytoy kadagiti empleyado.
