LA UNION – Naikabil iti Quick-Response Mode dagiti Regional Offices ti Department of Social Welfare and Development idiay Mindanao gapu iti nakaro a layus idiay Mindanao.
Daytoy ket kalpasan ti bilin ni Secretary Rex Gatchalian kadagiti Regional Directors a sungbatan dagiti kasapulan dagiti pamilia a nakapadas iti agsasaruno ken nakaro a panaglayus a nangrugi idi pay idi napan a lawas.
Karaman kadagiti nakapadas iti nakaro a layus ket ti SOCCSKSARGEN, Zambonga Peninsula, ken sumagmamano a probinsia iti Bangsamoro Autonomous Region iti Muslim Mindanao (BARMM).
Agtultuloy ti assessment ken validation ti DSWD tapno maala iti umiso a datos ti perdisyon agraman dagiti naapektaran nga indibidual.
Immunan a inpadamag ti ahensia a nakaipaay dan iti kanayonan a Family Food Pack, malaksid kadagiti nai-preposition a food packs.
