LA UNION – Inawagan ni Senator Bong Go a maysa a nalawag a diversionary tactics iti affidavit ken statements ni sigud a PCSO General Manager ken sigud a Cebu city Chief of Police Royina Garma iti panagdengngeg ti House Quad Committee idi Biyernes, Oktubre 11 tapno iyaw-awan ti pudno nga isyu a sangsangwen na, ti nagbalin a partisipasyon na iti maipagarop a pammapatay kenni sigud a PCSO board member Wesley Barayuga.
Impaganetget ti senador nga awan ti lugar iti malisyoso jken awan pammaneknek a waragawag, iti anyaman a credible investigation.
Mainaig ti daytoy, inallokoy ti senador iti nangato a pagpandayan linteg ti Kongreso a mangisayangkat ti impartial investigation kadagiti alegasyon ni Garma.
Inaramid ti Senador iti waragawag kalpasan a direkta nga imbaga ni Garma iti affidavit na, nga isuda former President Rodrigo Duterte ken Senator Christopher “Bong” Go ti nang-orchestrate ti cash reward system iti extrajudicial killings (EJKs) dagiti drug suspect iti sidong ti termino na.
