BR LA UNION – Kinontra ni Senator Christopher “Bong” Go iti akusasyon kontra kenkuana ti Office of the Prosecutor ti International Criminal Court (ICC) kalpasan a nainaganan kas maysa kadagiti co-perpetrator wenno kakunsabo ni sigud a presidente Rodrigo Duterte iti kaso a crimes against humanity nga adda pakainaiganna iti nadara a war on drugs.
Iti inruar nga statement ti Senador idi rabii ti Sabado, Pebrero 14, kinuna na nga ita laeng a naamwan na ti maipapan iti alegasyon a maibat-bato kontra kenkuana a nakailanad iti redacted version ti Document Containing the Charges nga inyisyu ti ICC manipud iti Office of the Prosecutor idi Pebrero 13.
Nainget a pinaglibakan ti Senador dagiti alegasyon kas naan-anay nga awan basaran, adda mapab-paboran, saan a patas, ken awan pakainaigan iti nagbalin a papel na ken responsibilidad idi nagserbi kas Special Assistant ni sigud a presidente Duterte manipud Hunyo 2016 agingga Oktubre 2018 kasta metten kas Executive Assistant to the Mayor idiay Davao City manipud 1998 agingga 2016.
Pinaglibakan pay ti Senador ti biddut nga akusasyon a nagserbi isuna kas Chief of the Presidential Management Staff, agsipudta maipagarop a saan na nga iniggaman ti nasao a posisyon.
Para iti Senado, imbaga ni Senate President Pro Tempore Ping Lacson a talantanen da iti posible nga addang, kabilang ti tulong a mabalin a maipaay kada Dela Rosa ken Bong Go.
Innayon pay ni Lacson a rumbeng nga ipaayan ti gundaway dagiti senador, babaen ti panangusar ti amin a legal nga opsyon.
