Kinarit ni Senador Robin Padilla iti political analyst a ni Ronald Llamas a tumaray iti eleksion tapno paneknekan ti kabaelanna, ken saan kitdi a mangipaay laeng ti kritisismo.
Ti maysa a Facebook post, inalawlawag ni Padilla iti takderna a panangpili kadagiti kandidato a saan a nabaknang, nalatak, wenno nagtaud kadagiti napolitikaan a dinastia, ken impaganetgetna a ti adbokasiana ket para kadagiti amin a public figures, saan laeng a kadagiti artista.
Pinagduaduaanna met iti kredibilidad ni Llamas, a segun ti report ket natiliwan a gumatgatang kadagiti pirated DVDs.
Ti post ket kasaruno iti statement ni Llamas a ni Padilla ket maysa kadagiti rason ti pannakaabak ti sumagmamano a celebrity candidates iti 2025 midterm elections, ken iti prediction a saan a maragpat ni Padilla iti top spot iti sumaruno nga eleksion.
Immunan nga inwaragawag ni Mariel Padilla, iti asawa ti senador, a nagdesision ni Robin a saanen a tumaray iti 2028 elections, gapu ti kinabuntog ti proseso ti gobierno ken iti riknana a no maminsan ket “saan isuna maikari iti publiko.”
Innayon pay ni Padilla a saan a kasapulan ti maysa nga analista tapno makita a narigat nga alaen iti number one spot iti Senado, gapu iti pakasaritaan ti senado nga awan pay ti senador a nagtop iti nagsasaruno a re-election.
Maipalagip a ni Senador Padilla, a maysa a vocal supporter ni Presidente Rodrigo Duterte, ket nagsapata idi Hunyo 2022. Nagun-odna ti nasurok 26 million a botos a kangatuan kadagiti 63 a kandidato, ken isu met ti kaunaan a Filipino-Muslim senator iti las-ud ti 30 a tawen mmanipu kenni Santanina Tillah Rasul ti Sulu agingga 1992.###
