BR LA UNION – Desidido ni Senator Bong Revilla Jr. a kaswan ti cyber libel dagiti vloggers ken akinkua kadagiti websites a nagti-tinnulong tapno dadaelen isuna iti social media.
Gapu iti nasao a pammadakes kunana ket naapektaran ti panag-kandidato na iti napalabas nga eleksiyon.
Ngem inlawlawag ti senador nga uray naabak iti eleksiyon ket saan na a kuwes-kuwestiyunaran iti resulta ti napalabas a senatorial elections.
Innayon pay ti senador a malidayan unay agsipudta nagbalin a biktima iti fake news.
Kinunana a naallilaw da dagiti tattao seknan iti alegasyon a convicted daytoy ti Sandiganbayan ken namandaran nga isubli iti P124 milyon iti gobyerno.
Impaganetget na a saan nga arsagid wenno balat-sibuyas agsipudta sanayen kadagiti pammadakes a paset ti pulitika tunggal panawen ti eleksiyon.
