Mamati ni sigud a Senador Leila de Lima a mabalin latta nga agserbi kas impeachment court ti Senado uray nu naka-adjourn daitoy wenno awanen iti regular session.
Segun iti sigud a senadora, ti hearing ti impeachment complaint ket saan nga ordinary function ti Kongreso, nu ketdi ket maysa a non-legislative function ken special function.
Gapo iti daitoy ket saan nga ‘applicable’ dagiti kadawyan a proseso wenno allagaden a tunggal nu naka-adjourn ket awanen iti session.
Kinunana nga obligasyon ti Senado a denggen ti verified impeachment complaint kas maibasar metten iti intuding ti linteg.
Ita pay a naaramiden ti nababa a pagpandayan-linteg ti trabaho da ken adda iti Senado’n nu agtuloy daitoy nga impeachment process wenno saan.
Dumanonen ti 239 a miyembro ti Kamara de Representantes ti pabor a maikkat ti posisyon ni VP Sara kasaruno metten ti session idi Pebrer 5 idiay plenaryo ti Kamara.
Immuna metten a kinuna ni Senate President Chiz Escudero a saan isuna nga mangpaayab ti impeachment trial agingga saan nga agreconvene ti Senado inton Hunyo 2, 2025.
