Mangiruar ti show-cause orders iti Senate Blue Ribbon Committee kontra ti sigud a kongresista a ni Zaldy Co ken ti mapagarup a security aid na a ni Orly Guteza, gapu iti saanna a panagdar-ay iti panagdingeg maipapan iti kontrobersia ti flood control.
Segun kenni panel chair Senate President Pro Tempore Panfilo “Ping” Lacson, suruten da iti Supreme Court ruling isu a show-cause order iti umuna nga addang sakbay iti posible a contempt ken warrant of arrest no saan nga agbalin a satisfactory iti palawag.
Saan a masinunuo iti lokasion agiti dua, nupay mapapati nga adda idiay Portugal ni Co bayat a ni Guteza ket immunan a nainaig iti Marine custody.
Sentro a personalidad ni Co iti flood control anomaly ken sangsanguen iti arrest warrant mainaig ti maysa a proyekto idiay Oriental Mindoro, bayat a ni Guteza iti nangibutaktak ti maipagarup a panangipatulod ti kickbacks kadagiti sanikua da Co ken ni sigud nga House Speaker Martin Romualdez – nga agpada met a pinaglibakanda.###
