BR LA UNION – Impaganetget ni Senadora Pia Cayetano ti kinapateg ti panangisuro ti “age-appropriate” sex education iti tengnga dagiti pammabalaw seknan iti Senate Bill 1979 wenno mas am-ammo a Prevention of Adolescent Pregnancy Act of 2023.
Segun kenni Cayetano, saanna a tubngaren iti mailung-lungalong a gakat partikular iti panangsungbat tapno labanan ti krisis iti teenage pregnancy.
Inlawlawag ti senadora, iti age-appropriate sexual education ket panangammo dagiti ubbing ti maipapan iti body parts dagitoy.
Segun kenni Cayetano, nagsarita dan kenni Senadora Risa Hontiveros, nga author ti gakat, nu kasatno a pasingekdan ti bill.
Immunan a binabalaw ni Hontiveros dagiti maibatbato a pammabalaw iti gakat ken inawaganna dagitoy kas “false information”.
Inlawlawag ti senadora nga awan iti probisyon seknan ti panangisuro wenno panangallokoy ti masturbation kadagiti ubbing nga agtawen ti zero agingga uppat nga anyos, wenno anyaman a panangisuro ti “bodily pleasure kadagiti ubbing nga agtawen ti innem agingga siyam, wenno ubbing a masurwan ti “sexual rights.”
