Nagsinnungbat da Senador Rodante Marcoleta ken Department of Justice (DOJ) Secretary Jesus Crispin Remulla maipanggep iti restitution wenno panangisubli kadagiti natakaw a pondo manipud kadagiti maanomalya a flood control projects tapno maipasidong ti Witness Protection Program (WPP).
Linagip ni Senador Marcoleta iti napagsaritaan kadagiti napalabas a panagdingeg ti komite seknan iti restitution a saan a requisite wenno kondisyon tapno mairaman iti programa.
Palawag ti sekretaryo saan a paset iti restitution kas requirements para iti admission ti WPP ngem impaganetget na a saan na kayat a satuen a saan dan nga ikonsidera agsipudta nakadependir daytoy iti kaso.
Sungbat ti manmanday-linteg, adda ti preseso no sadino saan a requisite iti restitution para iti aplikasion ti WPP – banag a kinontra ti DOJ chief a maysa daytoy a krimen kontra iti financial status dagiti Pilipino isuta rumbeng laeng a makiddaw.
Gapo iti daytoy ket kwinestion ni Marcoleta iti panaggandat na nga amiendaran iti probisyon ti linteg.
Impaganetget ni Senador Marcoleta nga iti kanito a mapaneknekan nga addaan ti criminal liability iti maysa nga indibidual ket ditoy laeng a sumrek iti “restitution” ken kas requisite wenno kondisyon tapno mairaman iti Witness Protection Program (WPP).
Segun ti Senador, kasapulan a rumbeng nga addan ti “goodwill” ken sinseridad tapno maamuan no maikari met laeng iti programa.
Kenuna ti sekretario nga iresrespeto na iti opinion ti Senador a dagos met nga inlawlawag ni Marcoleta a saan nga opinyon daytoy nudiket nakailanad iti linteg.###
