LA UNION – Impasigurado ni Senador Imee Marcos a kadwaen na ni Bise Presidente Sara Duterte nupay naan-anay a naisina daitoyen iti gabinete ti kabsat na a ni Presidente Bongbong Marcos.
Kinigtut ni Bise Presidente Duterte ti sibubukel a pagilian iti panagikkat na kas Department of Education (DepEd) ken Vice Chairperson ti National Task Force to End Local Communist Armed Conflict (NTF-ELCAC).
Segun ken ni Senadora Marcos, nagsarita dan ken Bise Presidente Duterte ket kinuna na a nakaawiden ti gayyem na idiay Davao.
Inyebkas na pay ti agtultuloy nga ayat, panagtalek ken agtultuloy a panaggayyem da iti Bise ken naladingitan isuna ta naan-anayen a nabingay ti UniTeam.
Kabayatanna, nu ti saludsod no panggep ni Duterte ti agkandidato iti eleksion ti presidente inton 2028, ket saan met nga sigurado ken ammo ti Senadora.
