LA UNION – Posible a dumanon iti agingga 800,000 senior citizens iti “waitlisted” wenno saan a garantisado a makaawat ti binulan a P1,000 social pension manipud Department of Social Welfare and Development (DSWD) iti sumaruno a tawen.
Daytoy ti imbatad ni Senadora Imee Marcos iti plenary deliberations iti gakat a pondo ti DSWD para iti 2025.
Iti agdama, segun kenni Marcos, aganay 622,000 nga waitlisted senior citizens iti saan pay a nakaawat ti binulan a pensyon.
Inaklon ni Marcos, nga awan pay iti pondo para kadagiti waitlisted inton 2025, agsipudta nakapenpen pay laeng daytoy idi pay 2023.
Siniguro met ti senadora nga agtul-tuloy a makaawat ti binulan a pensyon dagiti sigud a senior citizen nga adda iti listaan ti DSWD.
Nu adda man dagiti saan a nakaawat pay ket mabalin a delayed laeng daytoy.
Maibasar iti proposed budget ti DSWD para iti 2025, kinuna ni Sec. Rex Gatchalian a P5.5 billion ti mailatang para kadagiti waitlisted seniors.
Iti agdama a P49-bilyon nga alokasyon ket umiso laeng para iti 4 a milyon nga indigent senior citizens.
