Naminsan manen nga impaganetget iti Provincial Government of La Union ti agtultuloy a panangpapigsa da iti kampanya kontra kadagiti menor de edad ken dagiti awanan ti lisensya nga agmanmaneho ti motorsiklo.
Daytoy ket babaen iti pannakaipasa ti Ordinance no. 303-2021 a napaulwan ti Penalizing any Person Allowing, Consenting, Inducing or Directing Minors and Unlicensed Drivers to Drive Motor Vehicles.
Base iti impormasyon manipud iti PGLU, naaprubaran daytoy babaen ti serye dagiti diskusyon babaen dagiti miyembro iti 22nd sangguniang panlalawigan a no sadinno ket nakumpirma dagiti adu nga aksidente a mapaspasamak ditoy probinsya ti La Union a pakairamramanan dagiti menor de edad ken awanan ti lisensya nga agmanmaneho ti motorsiklo.
Naipaganetget a dagiti aksidente a mapaspasamak ket kangrunaanna ket awanan ti umno nga impormasyon dagiti drivers mainaeg iti traffic rules and regulations.
Naipalawag iti ordinansa a maikaniwas iti linteg ti panangipalubos dagiti nagannak nga agmaneho iti motor dagiti menor de edad.
Kasta pay dagiti indibidwal nga awanan ti lisensya nga agmanmanehon ti motorsiklo.
Dagiti mapaneknekan nga aglabsing iti daytoy nga ordinansa ket posible a maibalud iti saan a lumbes iti 5 a bulan wenno mamulta iti P5,000.
Dagiti menor de edad a matiliw ket maipasidong ti mandatory guidance counseling babaen ti Municipal Social Welfare and Development Officer iti uray anyaman a designated personnel a kadwa dan to met sadiay dagiti nagannak da.
Nasken a pagbinnuligan nga iyemplementar daytoy iti Local Chief Executives iti LGU’s ditoy probinsya babaen kadagiti punong barangay dagitoy, tanod, barangay peace keeping action team ken PNP ken LTO.
