BR LA UNION – Tallo (3) a weather systems ket namnamaen a mangpatudo iti naduma-duma a paset ti pagilian ita nga aldaw ti Domingo, segun iti Philippine Atmospheric, Geophysical and Astronomical Services Administration (PAGASA).
Segun ti state weather bureau, ti shear line ket mangigubway ti naulep a panawen ken panagtudo iti dumaya a paset ti Luzon, partikular idiay Cagayan, Isabela, Aurora, ken Quezon.
Papapigsaen met ti northeast monsoon wenno amihan, ti nalammiis nga agsapa, manipud ita nga aldaw ti Domingo agingga inton bigat, Lunes.
Ti amihan ket namnamaen a mangigubway ti panagtudom idiay Cordillera Administrative Region (CAR), abagatan ken laud a paset ti Luzon.
Kabayatanna, ti easterlies wenno napudot nga angin nga agtaud iti Pacific Ocean ket posible nga agparnuay ti panagtudo, panaggarru-od ken panagkimat idiay Bicol Region ken Mimaropa, a pakaibilangan ti Occidental Mindoro, Oriental Mindoro, Marinduque, Romblon, ken Palawan, partikular iti malem ken rabii.
