LA UNION – Isagsaganan ti pulisya ti kaso a panagtakawan kontra iti maysa a lola a naaktuan nga agtaktakaw iti uneg ti nalatak a mall idiay syudad ti San Fernando, La Union.
Nabigbig ti suspek a ni Norma Pastoral, 74, residente iti syudad ti Dagupan, Pangasinan.
Base iti report a nakalap ti Bombo Radyo manipud iti San Fernando City Police Office, maipagarup a namonitor dagiti mangimatmaton iti mall babaen ti CCTV camera ti suspek nga agtaktakaw iti tooth paste.
Gapu iti daytoy, inaseggan iti security personel ti suspek kasaruno iti pannakakemmeg daytoy.
Kabayatanna, dukduktalen met iti pulisya ti maysa pay a maatap a kakutsabo iti suspek a nagtakaw.
