Nakaurnongen ti nasurok lima a milyon a pirma dagiti online petitions manipud nagduduma a grupo sadiay Capas, Tarlac ken Central Luzon seknan iti panagkontra iti pannakaipasdek ti Pax Silica idiay New Clark City, Tarlac.
Segun kadagiti petitioners, ipadanon da ti petisyon idiay Kongreso tapno mapuersa da nga imbestigaran iti katulagan sakbay iti final deal ti nagbaetan ti Pilipinas ken Estados Unidos, iti panagbisita ni US President Donald Trump ti ASEAN Summit inton Nobiembre.
Impaganetget ti grupo da ACT Teacher Party-list Representative Antonio Tinio ken Bagong Alyansang Makabayan (BAYAN) Secretary General Mong Palatino, iti kaawan ti transparency iti negosasyon, peggad para kadagiti lokal a komunidad, ken pannakadadael ti natural a baknang mainaig iti proyekto.
Iti Pax Silica project ket maysa nga US-led initiative a narugian idi Disyembre 2025 tapno papigsaen ti supply chain ti minerals, semiconductors, ken Artificial Intelligence, a maipasdek iti rinibu nga ektarya ti daga idiay New Clark City.
