LA UNION – Naitabonen eksakto 1:20 itay malem ni sigud nga City Councilor Ramon Monetski Ortega idiay
Lingsat Cemetery ditoy syudad ti San Fernando La Union.
Immuna ti daytoy, naisayangkat pay ti misa, agarop alas 10:00 ti agsapa, iti St. William Cathedral a dinar-ayan iti pamilya Ortega, cacabagyan, gagayyem, ken local officials manipud naduma-duma nga ili ditoy probinsiya.
Sakbay nga naitabon ket naisayangkat pay ti public viewing para ti maudi a gundaway nga pannakakita kenkuana.
Maipalagip, pimmusay ni Councilor Ramon Ortega idi Pebrero 3, ti agdama a tawen.
Inulila ni Councilor Monetski iti asawa na ken uppat nga annak daytoy.
Ni Councilor Ramon Ortega ket nagserbi a Committee Chairman iti Peace and Order; Trade, Commerce, and Industry; ken Committee on Transportation and Traffic Management.
Isuna pay iti Philippine Councilor’s League (PCL) Regional Chairman iti intero a Region 1.
