LA UNION – Inarestar ti Criminal Investigation and Detection Group (CIDG) ita nga aldaw, June 20, 2024, ni sigud a Negros Oriental governor Pryde Henry Teves gaputi kaso nga adda pakainaigan na iti maipagarop a terrorist activities.
Maibasar iti report, ni Teves a kabsat ti na-expel a ni Negros Oriental representative Arnolfo Teves Jr., ket naarestar idiay Dumaguete City, Negros Oriental agarop alas 8:15 ti bigat, June 20, gaputi panaglabsing iti Terrorism Financing Prevention and Suppression Act of 2012.
Iti arrest warrant ket inyisyu ti Seventh Judicial Region, Branch 74 idiay Cebu City idi May 13, 2024.
Nangilatang ti korte iti P200,000 a piyansa.
Naamwan a ti sigud a gobernador ket karaman iti listaan dagiti top Most Wanted Persons (MWP) iti provincial ken regional level.
