BR LA UNION – Limmapag ti Philippine Air Force aircraft a nagluganan ni sigud a Negros Oriental 3rd District Representative Arnulfo Teves Jr. idiay Villamor Airbase pasado alas 11:00 idi rabii, Mayo 29, 2025.
Nagpalabas ti nagpatag iti opisina ti National Bureau of Investigation (NBI) idiay siyudad ti Pasay ni Teves.
Kinuna ni NBI Director Jaime Santiago a pinatgan da ti kiddaw ni Teves gaputa inkonsidera da ti pannakabannogna iti sumagmamano nga oras a pannakai-biyahe na manipud Timor-Leste.
Pasado ti alas 12:00 ti tengnga ti rabii, Mayo 30 a simmangpet ti sigud a mammanday-linteg iti NBI office.
Naipasidong ni Teves iti booking process, mugshot, ken medical examination.
Immuna ti daytoy, sinukon dagiti kameng ti NBI ni Teves idi Timor Leste kalpasan ti nasurok dua a tawen a panaglemmeng na iti nasao a pagilian, gaputi alegasyon nga isuna ti mastermind iti March 2023 attack a nakatayan ni sigud a Negros Oriental governor Roel Degamo ken siyam pay nga indibiduwal.
Kabayatan nga adda iti uneg ti Philippine Air Force plane, nabasaan ni Teves iti Miranda Rights ken naibinsa binsa kenkuana dagiti kaso a sangsangwenna.
