BR LA UNION – Nasentensiyaan ti dusa a patay iti sigud nga Agricultural Minister ti China gaputi korapsiyon.
Iti desisyon ti People’s Court of Changchun idiay northeast Jilin province, kinuna ti korte nga immawat ni sigud nga Agricultural Minister Tang Renjian ti pasoksok a kuwarta ken property nga agbalor ti nasurok 268 million yuan wenno kaibatugan ti $38 million iti baetan ti tawen 2007 ken 2024.
Segun iti korte, nagresulta ti nasao a pasoksok ti “severe losses” iti interest ti estado ken kadagiti umili.
Inaklon met ti sigud a top official iti inaramid na a krimen ken nangipeksa ti panagbabawi.
Ti naipataw a sentensiya kenni Tang iti kauddian kalpasan a pinapigsa ni Chinese President Xi Jinping ti kampaniya kontra kinakusit a nangpabagsak iti sumagmamano a nangangato nga opisyal.
