Pinaregta ti agdama a sekretaryo ti Department of Justice a ni Secretary Jesus Crispin Remulla dagiti indibidual a karaman kadagiti ‘flood control projects’ nga isubli iti naala da a kinabaknag a nagtaud kadagiti anomalya.
Mamati iti sekretaryo a rumbeng nga isubli dagiti kuarta a tinagikuada manipud iti pondo ti Pilipinas agsipudta lugi wenno dehado dagiti mismo nga umili.
Silulukat met iti ahensia para kadagiti agtarigagay a tumestigo wenno agparang a ‘whistleblower’ tapno makatulong iti imbestigasyon. Maala met kas ‘state witness’ dagiti ‘least guilty’ wenno dagiti nalag-an laeng ti basolna.
Babaen ti ‘state witness’, mapapartak iti trabaho ti ahensia ken posible a mapaawan-bileg ti criminal case da malaksid iti civil liability.
Kabayatanna, agtaltalinaed ditoy pagilian iti agassawa a Sara ken Pacifico Discaya a mangun-una iti listaan a napaulogan ti ‘Immigration Lookout Bulletin Order’ gaputi panakairaman da kadagiti maim-imbestigaran seknan iti isyu ti ‘flood control projects’.###
