Inawagan ti South Korea ti dagus a ipapanaw dagiti tropa ti North Korea a maipagarup a naidestino idiay Russia ken maus-usar iti gubat ti Russia kontra Ukraine.
Segun iti National Intelligence Service, spy agency ti South Korea, pinasingkedanna a ti North Korea ket nangipatulod iti dagup a 1,500 nga special operation forces idiay Russia.
Masapul a tulongan dagiti kasta a soldado ti Russia iti agtultuloy a gubatna kontra Ukraine.
Pinaayaban metten ti gobierno ti South Korea ti Russian Ambassador a nakabase idiay Seoul, tapno agprotesta iti inaramid ti North Korea.
Iti panagsinnango da Vice South Korean Foreign Minister Kim Hong Kyun ken Russian Ambassador Georgy Zinoviev, kinondenar ni Kim ti inaramid ti North Korea a kunana a mamagpeggad iti South Korea ken iti international community.
Impapilit ni Kim nga aramiden ti pagilianna ti amin a kabaelanna kas sungbat iti aramid ti North Korea, maysa nga aramid a maipagarup a mamagpeggad iti national security ken national interest ti South Korea.
Sakbay daytoy, immuna nga imbaga ni Ukrainian President Volodymyr Zelenskyy a dagiti intel officer ti Ukraine ket binigbigen ti agarup 10,000 a soldado ti North Korea a naikuna a nakasagana a makikadua kadagiti puersa ti Russia nga agtultuloy a makigubat idiay Ukraine.
