Pinasingkedan ti South Korea spy agency a nangipatulod ti North Korea kadagiti soldado da idiay Russia tapno makigubat kontra Ukraine.
Ti nadakamat nga alegasion ket imyeg sumagmamano nga aldaw kalpasan nga impalgak ni Ukrainian President Volodymyr Zelensky a nangipatulod ti North Korea iti 10,000 a soldado idiay Russia.
Gapu iti daytoy, nagpaawag ni South Korea President Yoon Suk Yeol iti emergency meeting.
Inawagan pay ti South Korean President a dagus nga agtignay dagiti maseknan ken international leaders.
Maibasar iti impormasion a naala ti spying agency, 1,500 a soldado ti North Korea ti simmangpet idiay Russia bayat nga agdagup iti 12,000 pay a soldado ti agsagsagana nga agturong sadiay.
