Nangipasan ti South Korean parliament ti motion a kumidkiddaw iti pannakaikkat ti indeklara nga martial law ni President Yoon Suk-yeol.
Segun kadagiti mamanday-linteg, ti nasao nga mosyon ket impasa da babaen ti National Assembly ken saan laeng a basta nga panangawag daitoy ikkaten nan ti martial law nu ketdi rumbeng iti madagdagos na a panagsungbat.
Impasiguro met ni Democratic Party lider Lee Jae-myung a protektaran da ti konstitusyon.
Inawagan payen ti sumagmamano a mamanday-linteg ti naisayangkat nga national assembly iti panagpa-impeach kenni Yoon.
Kabayatanna, uray ti kaalyado ni Yoon a ni Han Dong-hoon ket malidayan a unay iti mapaspasamak.
Awan met kunana ti epekto ti martial law gapo iti panagpasa ti motion iti naisayangkat nga national assembly.
Agtaltalinaed a nakabantay dagiti kasundaloan ken kapulisan kadagiti government buildings ti South Korea bayat nga sumagmamano nga protesters iti nagturong iti sango ti parliamento tapno suportaran ti pannakaikkat ti martial law.
