Napilaanen ti kaso nga insurrection ti napaikkat nga Presidente ti South Korea a ni Yoon Suk Yeol.
Ti kaso ti gapo iti pannakaideklarana ti martial idi Disiembre.
Napasamak ti kaso sumagmamano nga aldaw kalpasan a pinagkedkedan ti korte iti kiddawna a mangpawayway iti pannakaibaludna.
Kaipapanan daytoy a masapul nga ikeddeng dagiti piskal no mangipilada iti darum wenno wayawayaanda ni Yoon.
Rinugian metten ti Constitutional Court a tingitingen no pormal a ikkatenda ni Yoon kas presidente wenno isublida isuna.
Maipalagip nga idi Disiembre 3 ket inwaragawag ni Yoon ti Martial Law kas wagas a mangsalaknib iti pagilian da kadagiti anti-state forces a kakadwa ti dasig ti North Korea.
Iti dayta a tiempo ket sumangsango isuna iti eskandalo a panagkunniber ken karaman pay a maim-imbestigaran dagiti cabinet ministers na.
