Impasigurado ni House Speaker Faustino “Bojie” Dy III nga agtalinaed a kadua dagiti mangmangged a Pilipino iti House of Representatives (HOR), kagiddan ti agtultuloy a panangilungalong dagiti reporma a pabor iti sektor ti panagtrabaho.
Kenuna ni Dy kabayatan ti panagbetlana iti maika-50 nga anibersario ti Trade Union Congress of the Philippines (TUCP), silulukat iti Kamara kadagiti union ken organisasion ti mangmangged, a napateg iti panagrang-ay ti pagilian.
Karaman kadagiti ilunglungalong ti Kongreso iti natibker a proteksion kontra diskriminasion iti trabaho, panangipasdek ti barangay-level workers’ registry, modernisasion ti National Registry of Workers, ken panangpapigsa ti programa a TUPAD para kadagiti displaced ken vulnerable workers.
Dinakamat na pay iti suporta ti House kadagiti freelance ken online workers, panangitandudo dagiti nakailintegan a minimum wage system, ken ratipikasion ti ILO Convention 188 para iti proteksion dagiti mangngalap.
Innayon pay ti House Speaker, nalawag iti mensahe ti Kamara a saan da nga agsardeng iti laban para iti makatao ken nakailintegan a polisiya para kadagiti mangmangged a Pilipino.#
