LA UNION – Impasigurado ni House Speaker Martin Romualdez ti suporta ti House of Representatives para ken ni Secretary Sonny Angara a dinutokan ni Presidente Ferdinand Marcos Jr., kas baro a Secretary ti Department of Education (DepEd) a kasukat ni Bise Presidente Sara Duterte a nagikkat iti puesto.
Maragsakan ni Speaker Romuladez ti pannakadutok ni Angara kas sekretario ti departamento gapu iti nalawa a kapadasanna, ken dedikasion na ti serbisio publiko.
Impaganetget ni Romualdez nga iti intero a karera ni Senador Angara, impakitana ti pannakapasayaat ti sistema ti edukasion ken pannakaitandudo ti karbengan ken pagimbagan dagiti estudiante ken mannursuro.
Innayon pay ti Speaker a ti makapasiddaaw ti backgroundna ken nagapuananna iti education policy a mangted kenkuana iti kinalaing a tapno idauluanna ti Department of Education.
Innayon ti Speaker a magagaran ti Kamara a makipagtrabaho ken ni Secretary Angara tapno matungpal ti panggep a mangipasigurado a tunggal ubing a Pilipino ket maaddaan iti de kalidad nga edukasion.
