BR LA UNION – Ipatungpal ti Social Security System (SSS) iti Pension Reform Program (PRP) mangrugi ita a bulan ti Setyembre, maiyannurot iti direktiba ni President Ferdinand R. Marcos Jr. ken kasaruno ti pannaki-taripnong kenni Finance Secretary Ralph Recto.
Gaputi daytoy, agbalin a tinawen iti panagngato ti pensyon agingga 2027, ken 10% iti kanayunan para kadagiti retirado ken addaan kapansanan bayat a 5% ti kanayunan para kadagiti survivor wenno benepisyaryo ti natay.
Iti uneg ti tallo a tawen, umabot iti 33% ti pakabuklan a kanayunan a pensyon dagiti retirado ken addaan kapansanan, ken 16% para kadagiti survivor pensioners.
Segun iti SSS, iti pension reform program ket nakasentro iti tallo a tarigagay. Umuna, iti panagngato ti benepisyo para iti amin a pensyonado, panangprotektar ti kantidad ti pensyon kontra epekto ti inflation ken panangitandudo ti kinapateg ti panagtrabaho ken panagurnong, maiyannurot iti Republic Act 11199 wenno Social Security Act of 2018.
Mabenipisyaran iti nasao a programa iti minilyon a pensyonado, kabilang dagiti retirado/addaan kapansanan ken survivor pensioners.
Namnamaen a mangiserrek daytoy ti nasurok kumurang a ₱92.8 bilyon iti ekonomiya manipud 2025 agingga 2027.
