LA UNION – Agtultuloy a maipas-pasidong iti assessment ti danyos nga imbati ti super typhoon ‘Pepito’ iti sektor ti panagtalon idiay Nueva Vizcaya, ti maysa kadagiti kangrunaan a dinalapos ti nasao a bagyo.
Ita nga aldaw (Nov. 18), kagiddan ti ipapanaw ti bagyo iti Phil. Area of Responsiblity, nakita dagiti mannalon idiay Brgy. Villa Coloma, Bagabag, Nueva Vizcaya dagiti natay a dingwen, a kas dagiti baka a naiyanod kasaruno iti nalawa a panaglayos a gapwanan ti bagyo.
Segun iti provincial government ti Nueva Vizcaya, adda pay dadduma a mannalon idiay Vizcaya ti nag-report ti kapada a pasamak ken agtultuloy a maipas-pasidong iti assessment ken validation.
Duk-duktalen ti provincial government iti pakabuklan a bilang dagiti natay a livestock ken poultry iti sektor ti agrikultura tapno maisagana ti kasapolan a tulong para kadagiti mannalon.
Maipalagip a dimmalan ti bagyo Pepito iti nasao a probinsya kalpasan a nag-landfall iti maikadwa a gundaway idiay probinsya ti Aurora.
