LA UNION – Pimmigsa iti SEVERE TROPICAL STORM “CARINA” ken nabuntog nga aggar-garaw bayat nga adda iti kabaybayan ti Pilipinas.
Maibasar iti Tropical Cyclone Bulletin #10 ti DOST-PAGASA, iti bagyo Carina ket nasaripatpatan iti kaadayu a 420 km daya ti Tuguegarao City, Cagayan kabuyogna ti angin a 100 km/h asideg iti sentro ken kapegges agingga 125 km/h.
Iti track forecast, agtalinaed nga adayu iti kadagaan ti bagyo CARINA ken manamnama a rumuar iti Philippine Area of Responsibility inton rabii ti Miyerkoles wenno agsapa ti Huwebes (25 July) ken agturong Southeastern China.
Gaputi pimmigsa a bagyo Carina, makapadas iti napigsa a panagtudo iti:
Extreme northeastern portion ti mainland Cagayan – (100-200 mm)
Babuyan Islands ken dumaya a paset ti mainland Cagayan ken Isabela – (50-100 mm)
Nakapasidong iti Tropical Cyclone Wind Signal no. 1 iti dumaya a paset ti mainland Cagayan (Santa Ana, Gattaran, Baggao, Peñablanca, Lal-Lo, Gonzaga) ken northeastern portion ti Isabela (Divilacan, Palanan, Maconacon).
