Alas tres itay parbangon, naudi a nasaripatpatan iti Low Pressure Area iti kaadayo a 705 km Daya ti Infanta, Quezon.
Mangipaay ti nalulem a tangatang, mawaraswaras a panagtudo ken panaggurruod iti Trough wenno tartaraipos ti LPA idiay Metro Manila, Bicol Region, CALABARZON, Cagayan, Isabela, Aurora, Oriental Mindoro, Marinduque, Romblon, Northern Samar, Eastern Samar, Samar, ken Biliran.
Iti kapada a paniempo ket igubuay met ti Southwest Monsoon wenno Habagat iti nabatbati a paset ti Visayas, Zamboanga Peninsula, Basilan, Tawi-Tawi, Occidental Mindoro, ken Palawan.
Bayat nga apagapaman agingana nalulem a tangatang ken mapatto-pattok a panagarbis iti nabatbati a paset ti pagilian gaputi Localized Thunderstorms.
