Nainget nga i-monmonitor ti Department of Science and Technology – Philippine Atmospheric, Geophysical and Astronomical Services Administration (DOST-PAGASA) dagiti dua a Low Pressure Area (LPA) nga adda iti ruar ti Philippine Area of Responsibility (PAR).
Segun iti state weather bureau, nasaripatpatan iti sentro ti umuna nga LPA iti kaadayo a 1,220 km Daya Abagatan-a-Daya ti Luzon bayat nga iti maikadua ket adda iti 405 km Daya a paset ti Calayan, Cagayan.
Dagiti dua nga LPA ket dakkel ti tyansa na a pumigsa ken agbalin a bagyo.
No dumanon ti Tropical Depression category, maawagan daytoy a “Dante” ken “Emong” –iti maikapat ket maikalima a bagyo para ita tawen 2025.
Malaksid iti mabanbantayan nga LPA, manamnama iti agtultuloy a panagraira ti Southwest Monsoon wenno Habagat a mangipaay ti panagtudo ken panaglayos iti dakkel a paset ti pagilian.#
