Banbantayan ita iti state weather bureau dagiti Dua a Low Pressure Areas (LPA) iti uneg ti Philippine Area of Responsibility (PAR).
Nababa iti posibilidad dagiti dua nga LPA nga agbalin kas tropical depression kadagiti sumaganad a 24 nga oras. Ti maysa ket ti sigud a Bagyong Luis a nangapektar kadagiti sumagmamano a paset iti pagilian.
Maysa met a banbantayan ti Department of Science and Technology ket ti Typhoon “Dolphin” nga adda iti ruar ti PAR, nupay segun iti ahensya ket awan iti direkta nga epekto na iti pagilian iti agdama.
Maparegta iti publiko nga agtalinaed nga alerto ken tungpalen dagiti abiso. Saganaan met ti epekto dagiti weather disturbances, nangruna kadagiti apektado a lugar.
