BR LA UNION – Dinayyeg ti magnitude 6.4 a gingined iti daya a paset ti Mindanao itay agsapa ti Miyerkules, maibasar iti report ti Philippine Institute of Volcanology and Seismology (PHIVOLCS).
Timmama ti ginggined agarop alas 11:02 AM iti kaadayu a 55 kilometro iti amianan-a-daya ti Manay, Davao Oriental, ken aguneg iti 23 a kilometro.
Nairekord ti Intensity V idiay Manay, Davao Oriental; Hinatuan, Surigao del Sur, ken Talacogon, Agusan del Sur.
Kabayatanna, narikna ti Intensity IV idiay Bislig City ken Cagwait, Surigao del Sur, kasta met idiay Tarragona ken Cateel, Davao Oriental.
Narikna met ti Intensity III idiay Tandag City, Surigao del Sur; Boston ken Baganga idiay Davao Oriental; ken Claver, Surigao del Norte.
Kadagiti nasulinek a lugar, pakairamanan ti Davao City, General Santos City, Butuan City, Baybay ken Palo idiay Leyte, ken sumagmamano nga ili idiay Southern Leyte, a nakailista ti intensity II.
Kadagiti instrumental readings, ti Intensity IV ket narikna idiay Malungon, Sarangani, idinto a ti Intensity III ket idiay Kiamba, Sarangani; Digos City, Davao del Sur; ken Davao City.
Iti agdama, awan ti report a nadadael wenno nasugatan, ngem agtultuloy ti panangmonitor ti PHIVOLCS ken dagiti lokal nga otoridad kadagiti posible nga epekto ti napigsa a panagdayyeg.
Nabalakadan ti publiko nga agtalinaed nga alerto ken suroten dagiti safety protocols tunggal adda mapasamak a ginggined.
