Maysa a grupo dagiti lallaki nga idadauloan ti nagpaam-ammo kas “owner of the world” wenno makinkukua ti intero a lubong ti nangilatag ti ilegal a barikada idiay Barangay San Ignacio, Manay, Davao Oriental.
Ti insidente ket napasamak iti mismo nga aldaw ti Paskua, Disyembre 25, nu sadinno ket nakigtut dagiti residente ken motorista gapo iti panagsingir ti grupo ti tunggal aglabas iti sinerraan da a paset ti kalsada.
Segun iti Manay Municipal Police Station, ti grupo ket idadauloan ni Datu Watawat a pagaammo pay kas “Senior Rubin Hari.” Ipilpilit daitoy a kukua na ti intero a lubong ken impaganetget a kasapulan ti gobierno nga agbayad kenkuana para iti renta ti makuna a “Kaharian.”
Dagos met nga imbilin dagiti pulis nga ikkaten ti grupo ti barikada tapno makadalyasaten ti pinataud da trapiko.
📷Manay MPS
