BR LA UNION – Umaboten ti innem a tattao ti natay kalpasan ti timmama a magnitude 7.4 a gingined idiay Manay, Davao Oriental idi Oktubre 10.
Maibasar iti datos ti Office of the Civil Defense (OCD), tallo ti natay idiay Mati City, Davao Oriental; bayat a dua idiay Pantukan, Davao de Oro.
Maysa ti nailista a natay idiay Davao City kalpasan a natupakadan ti narba a pader iti 80-anyos a lakay idiay Barangay Tomas Monteverde.
Agtultuloy ti ar-aramiden a monitoring ti OCD iti nasao a lugar gapu kadagiti mapaspasaran nga aftershocks.
Kinuna ni Philippine Institute of of Volcanology and Seismology (PHIVOLCS) chief Dr. Teresito Bacolcol nga adda innem nga aktibo a trenches ken ti Philippine trench ti nakaigapwan ti nasao a panagdayyeg.
