Agkidkiddaw ti kanayunan a supply ti bagas dagiti sumagmamano a lokal a gobierno manipud iti National Food Authority (NFA) kagiddan ti nalawa a relief operations kadagiti na-evacuate a residente gapo iti nalawa a panaglayos.
Umuna a nagkiddaw iti provincial government ti Palawan ti 300 a sako ti bagas ken sinaruno ti Puerto Prinsesa City ti kanayunan a 200 sako ti bagas.
Simaruno a pinatuludan ti NFA iti Department of Social Welfare and Development (DSWD) idiay Tarlac ken pakabuklan a 1,000 well-milled rice iti probinsya ti Pampanga.
Iti interview ti Bombo Radyo Philippines kenni NFA Administrator Larry Lacson, kenunana a dagos a maipatpatulod dagiti bagas manipud kadagiti bodegada nga agturong kadagiti LGUs ken dagiti ahensia nga agkidkiddaw ti kanayunan a supply tapno maipaay kadagiti umili nga apektado ti panaglayos.
Agtaltalinaed a silulukat iti ahensia para kadagiti kanayunan a requests manipud kadagiti LGUs nga agkasapulan ti kanayunan a supply.
Impasigurado ti NFA a dagiti mairuruar a bagas ket agpapada a pimasa iti nainget a quality standards ti ahensia kas panangtungpal iti mandato a mapagtalinaed iti naan-anay ken de kalidad a buffer stock a mabalin nga maipaay tunggal adda ti didigra wenno emergency.
Kabayatanna, mabalin a macontact iti ahensya babaen ti hotline no. 09171139347.
