LA UNION – Namuntaran iti red flags dagiti coastal barangay idiay ili ti San Juan, La Union a simbolo a maipawil ti aglangoy gapu iti dadackel a dalluyon gapwanan ti dakes a panawen.
Kinuna iti Bombo Radyo La Union ni MDRRMO head Gino Mabalot, saan laeng a red flag iti makita ita iti igid ti kabaybayan idiay San Juan nangruna iti surfing area idiay Barangay Urbiztondo, nudiket agraman pay dagiti warning signs kas ti “No Swimming Policy” tapno ipakaammo kadagiti turista ken beach goers, a saan pay a maipalubos ti mapan agdigos iti kabaybayan.
Iti red flag ket maus-usar kas warning of danger.
Daytoy ket para met laengen iti kinatalged dagiti beachgoers.
Nagballaag pay ni Mabalot kadagiti mangngalap a saan pay laeng nga agpataaw agingga iti sumaganad nga aldaw, gaputa peligro pay laeng ti kondisyon iti seaboards ti Northern Luzon bayat a rumrumwaren ti bagyo Falcon.
Posible a palabsen pay ti sumagmamano nga aldaw sakbay a maikkat dagiti red flag gaputa malaksid iti bagyo Falcon a manamnama a rumwaren iti PAR inton rabii, maysa manen nga LPA iti agpangpangta iti Northern Luzon a sigurado a mangigubway ti agtultuloy a panagtudo.
Posible a palabasen pay ti sumagmamano nga aldaw sakbay a maikkat dagiti red flag gaputa malaksid iti bagyo Falcon a manamnama a rumwaren iti PAR inton rabii, maysa manen nga LPA iti agpangpangta iti Northern Luzon a sigurado a mangigubway ti agtultuloy a panagtudo.
Kiniddaw pay ni Mabalot ti kooperasyon dagiti resorts, hotel and restaurant owners agraman dagiti surfing instructors nga agtungpal iti pammilin a saan a palubosan dagiti customers ken iti uray siasino a mapan agdigos iti kabaybayan.
Binalakadan na met dagiti agnanaed kadagiti lalayusen a lugar ken landslide prone areas nga agridam ken agalerto iti paspasamak iti aglawlaw.
Uray kadagiti dadduma pay a body of water kas iti karayan ken waig ket saan pay laeng a mapan agdigos kadagitoy wenno bumallasiw gaputa napigsa iti current ti danum nu kastoy ti panawen.
