LA UNION – Arestado ti maysa a surrendered drug personality iti napamasak a buy bust operation iti otoridad idiay Barangay Balwarte, ili ti Agoo, La Union.
Nabigbig ti suspek a ni Roberto Gabay, 37, residente ti Barangay San Antonio ti nasao nga ili.
Base iti impormasyon a nakalap ti Bombo Radyo manipud iti La Union Police Provincial Office, natiliw ti suspek babaen kadagiti kameng iti Philippine Drug Enforcement Agency ken Agoo Police Station.
Naala manipud iti ikot ti suspek ti maysa a sachet a naglaon iti maatap a shabu ken ti naaramat a buy bust money.
Ti nasao a suspek ket siguden a simmuko babaen ti Oplan Tokhang ti pulisya ken mabigbig daytoy kas drug pusher ken user iti nadakamat a lugar.
