LA UNION – Inaresto dagiti pulis ti maysa a surrendered drug personality gapu iti maipagarup a panangpaltogna ti bukodna a kabsat idiay Barangay Calumbaya, ili ti Bauang, La Union.
Nabigbig ti suspek a ni Anthony Tejano, 42, residente ti nasao a lugar.
Naammuan ti Bombo Radyo manipud Bauang Police Station, maipagarup nga inaseggan ti suspek ti kabsatna a ni Napoleon a mangay-aywan ti baka kasuruno iti panagsinnungbat dagitoy.
Nagsat met ti biktima gapu ta saan a natirwan daytoy iti suspek a nangpaltog kenkuana.
Napaay met dagiti pulis a makompiskar ti nasao a paltog.
Kabayatanna, inlibak met ti suspek ti alegasyon kontra kenkuana.
Nabayagen nga adda iti susik a saan a narisot iti baetan dagiti agkabsat. (Absalom Flores)
