LA UNION – Adda ita ti kustodiya ti pulisya iti suspek ti pammagsol a nalapasamak idiay Barangay Bacuit Sur, ili ti Bauang, La
Union kalpasan a simmuko dagitoy.
Nabigbig ti suspek a ni Edwin Avila, residente iti Purok 6 ti Barangay Sevilla, syudad ti San Fernando, La Union.
Naammuan ti Bombo Radyo manipud iti Bauang Police, ni Avila iti maipagarup a bimmagsol iti biktima nga agnagan iti Ronnel
Apilado, 26, agnaned idiay Barangay Disso-or ti nasao nga ili.
Immuna iti daytoy, base iti imbestigasyon ti pulisya maipagarup a nangprobokar iti riribok ti suspek kasaruno iti
pammagsolna ti biktima babaen ti kutsilyo idi rabii.
Naglibas ni Avila babaen iti panagluganna ti maysa a motorsiklo kalpasan iti krimen.
Naiturong met iti Ilocos Training and Regional Medical Center tapno maagasan iti dua a sugat iti tiyan a nilak-amna manipud
ti pammagsol.
Maipagarup nga agpada a nakainom dagiti dua idi a napasamak ti panagrikyar.
Maisagsagana metten ti kaso ang frutrate homicide kontra ti nasao a suspek.
